Plantun de Prouvènço

Pèr coumpara dos planto d'encò nostre

Asplenium septentrionale & Ranunculus flammula

Asplenium septentrionale

Aspleniaceae

Nom en français : Asplénium du Nord.

Descripcioun :
La dauradeto-de-l'uba trachis en mato dins li fendasclo de savèu e lis vièii muraio ensouleiado. Li foundo soun longo, primo e souvènt bifido. Rèsto verdo l'ivèr. I'a pas trop pèr s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms - Estiéu

Sòu : Si
Autour basso e auto : 50 à 2200 m
Aparado : Noun
Jun à setèmbre

Liò : Paret - Roucas - Muraio
Estànci : Coulinen à Aupen
Couroulougi : Bourealo
Ref. sc. : Asplenium septentrionale (L.) Hoffm., 1795

Douvo

Ranunculus flammula

Ranunculaceae

Àutri noum : Flamaduro, Tarbèro.

Noms en français : Petite Flamme, Petite Douve.

Descripcioun :
La douvo o flamaduro es un ranouncle rare au nostre, mai poudèn pensa, coume èi bèn couneigudo, que devié èstre mai coumuno à passa tèms. Trachis en ribo de palun, dins li tourbiero e li prado forço umido, relarg que s'apichounisson aro. Fai partido dóu group de ranouncle qu'an de fueio entiero emé dos meno diferènto : aquéli de la rouseto an un pecou e li de la cambo n'an quàsi ges. La varieta de Prouvènço ié dison flammula.

Usanço :
Coume tóuti li ranouncle, es uno planto empouisounanto. Se la tastas vous brulo coume lou fiò la bouco (d'aqui soun noum). Se dis qu'èi forço marrido pèr li fedo que s'ataquarié au fege (counfusioun emé la douvo dóu fege ?).

Port : Erbo
Taio : 20 à 70 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) enflourejado : 8 à 15 mm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun
Mai à setèmbre

Liò : Prado umido - Tourbiero - Palun - Mueio
Estànci : Coulinen à Mountagnard
Couroulougi : Bourealo
Ref. sc. : Ranunculus flammula

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asplenium septentrionale & Ranunculus flammula

ges

Coumpara Dauradeto(-de-l'uba) emé uno autro planto

Coumpara Douvo emé uno autro planto